Vendimi i fundit i Bordit të Transparencës ka parashikuar uljen e çmimit të karburantit, në veçanti atë të benzinës.
Sipas këtij vendimi, benzina do të tregtohet për herë të parë pas disa muajsh nën nivelin e 200 lekëve për litër. Kështu bënzina nuk lejohet të tregtohet më shumë se 199 lekë/litër, nga 207 lekë që tregtohej ditët e fundit.
Në çmimin me pakicë, nafta ka mbetur pothuaj njësoj. Nga 221 lekë/litër, ajo tregtohet 220 lekë/litër. Po kaq rënie të lehtë shënoi dhe gazi, duke u tregtuar me 80 lekë për litër.
Ulja e këtij çmimi është shumë larg reflektimit të çmimit ndërkombëtar të karburanteve, ku nafta ka zbritur në nivelet që ishte para invacionit rus në Ukrainë.
Për këtë arsye, një ditë më parë Konfindustria kërkoi uljen e çmimeve të karburanteve në tregun tonë, duke theksuar se ato janë shumë më të larta nga nga çmimet në tregjet ndërkombëtare, duke ndikuar drejtpërdrejt në varfërimin e xhepave të qytetarëve, dhe rrezikun e falimentimit të biznesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
