Çmimi i shitjes të vajit në treg do të mbetet i pandryshuar deri ditën e premte. Bordi i kontrollit të çmimeve për produktet e shportës vendosi që çmimi i tregtimit për vajin e lulediellit të vazhdojë të jetë 299 lekë për kompanitë e shumicës dhe 305 lekë për litër nga supermarketet.
Me një akt normativ qeveria mori përsipër ngritjen e Bordit të Transparencës për produktet e shportës ushqimore. Ministria e Financave ende nuk ka bërë me dije se cila është metodologjia e përcaktimit të çmimeve për vajin, orizin, sheqerin apo miellin.
Lexo edhe: Ulen lehtësisht çmimet e karburanteve
Importuesit e vajit të lulediellit shprehet se ata po e shesin në kosto produktin, ndërsa çmimet në tregjet ndërkombëtare janë rritur në mënyrë eksponenciale shumë më lart se kaq, duke i çuar faturat e blerjes deri në 360 lekë.
Rusia, Ukraina, Hungaria, Serbia dhe Bullgaria janë furnizuesit kryesorë të tregut shqiptar me vaj ushqimor luledielli. Më pas e ndjekin edhe shtete të tjera të Europës, si Italia, Gjermania dhe Greqia, por në sasi më të vogël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
