Kanali i Suezit, kanali më i madh tregtar në botë është bllokuar nga një anije gjigande kontejnerësh e cila sipas dëshmitarëve u godit nga erërat e forta ndërkohë që po lundronte dhe dëmtoi trupin qendror të anijes duke e ndaluar së funksionuari.
Incidenti ka krijuar kaos dhe pengesë për dhjetëra anije tregtare që kalojnë aty. Autoritetet frikësohen për një situatë që mund të zgjasë me ditë dhe kanë urdhëruar hapjen e kalimit të vjetër të kanalit të Suezit. 10% e tregtive botërore bëhen nëpërmjet këtij kanali që lidh Mesdheun me detin e Kuq dhe të gjithë Europën me Azinë.
Anija “Ever Given” krijuar në Panama ishte nisur nga Kina për në portin e Roterdamit në Holandë. Duke u kthyer anija u dëmtua dhe ngeci rreth orës 7 të mëngjesit të së martës. Me gjatësi 400 metra dhe gjerësi 59 metra, anija ka bllokuar të gjithë rrugëkalimin nëpër kanal.
Autoriteti i kanalit të Suezit tregon se është anija më e madhe e ngecur në Suez dhe po përdorin anije tërheqëse për ta lëvizur. Nëse kjo metodë nuk funksionon ata do të duhet të lëvizin të gjithë ngarkesën prej 20.000 kontejnerësh nga anija.
Ekspertët thonë se operacioni për të lëvizur anijen “Ever given” mund të zgjasë ditë pasi do të duhet edhe zhvendosja e sasive të rërës. Mesatarisht në kanalin më të madh tregtar në botë kalojnë 51 anije tregtare në ditë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
