Nga Fatima Gorezi – Në një periudhë kur ekonomia globale vijon të lëkundet nga presionet e inflacionit, pasiguritë gjeopolitike dhe transformimi i shpejtë teknologjik, sistemi bankar shqiptar përballet me një provë të re pjekurie. Me tregues të fortë kapitalizimi, likuiditet të lartë dhe rritje dyshifrore të kreditimit gjatë vitit 2025-ës, sektori financiar duket se ka hyrë në një fazë konsolidimi të qëndrueshëm.
Në këtë intervistë, Bledar Shella, kreu i bordit të Shoqatës Shqiptare të Bankave analizon elasticitetin e sistemit përballë sfidave makroekonomike, pritshmëritë për vitin 2026, adoptimin e standardeve të reja rregullatore nga Banka e Shqipërisë dhe ndikimin e digjitalizimit në modelin tradicional bankar. Një bisedë që hedh dritë mbi konkurrencën e re me bankat plotësisht digjitale, sfidat strukturore të kreditimit për SME-të dhe mesazhin që sektori financiar shqiptar u adreson investitorëve të huaj në një moment kyç për integrimin europian.
Si e vlerësoni aktualisht qëndrueshmërinë e sistemit bankar shqiptar, duke pasur parasysh sfidat si inflacioni, pasiguritë gjeopolitike dhe presionet mbi kreditimin? Si pritet të jetë 2026-a?
Sistemi bankar në Shqipëri paraqet një qëndrueshmëri solide dhe nje pozicionim të konsoliduar duke marrë në konsideratë faktin se pesë vitet e fundit kanë qenë të shoqëruara me dinamika makro ekonomike të jashtëzakonshme, si të brendshme por edhe të importuara, të cilat kanë vendosur në provë elasticitetin e sistemit financiar.
Faktorët kryesore që e suportojnë stabilitetin financiar pavarësisht sfidave makro, lidhen me politikat monetare të ndjekuara nga Banka e Shqipërisë si dhe me qasjen prudenciale me të cilat bankat ekzekutojnë strategjinë e tyre.
Kreditimi ka shënuar një rritje dyshifrore për vitin 2025, në nivelin e 13% krahasuar me një vit me parë. Sistemi bankar është i mirëkapitalizuar me një raport Mjaftueshmërie Kapitali prej 20.50% në dhjetor 2025, ndjeshëm mbi minimumin e kërkuar nga rregullatori prej 12%. Sistemi bankar është mjaft likuid me një raport Kredi/Depozita përreth 52%, një prej më të ultëve në rajon. Cilësia e kredidhënies është mjaft e mirë pasi raporti i kredive me probleme vazhdon të këtë tendence rënëse duke qëndruar në nivelin 3.8%.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
