Eksporti i birrës “Made in Albania” është dyfishur në 6-mujorin e parë të vitit 2016, duke afirmuar tashmë konsolidimin e kësaj industrie në vendin tonë dhe zhvillimin sipas standarteve më të mira europiane të cilësisë së prodhimit.
Sipas shifrave të ministrisë së Bujqësisë, nga 269 ton birrë në 2015, eksportet janë rritur në 436 ton birrë, gjatë 6-mujorit të 2016. Përsa i përket vlerës monetare, eksportet janë regjistruar në 38.7 milionë lekë nga rreth 22.3 milionë që kanë qenë një vit më parë. Kjo sasi e eksportuar është përqendruar më së shumti në rajon, ndërsa sfidat e këtij sektori janë zgjerimi i tregjeve edhe në vendet europiane.
Nga ana tjetër, industria vendase e birrës po mbështetet edhe nga politikat e qeverisë, përsa i përket lehtësirave me vlerën e akzicës apo subvencionet e ndryshme.
Burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
