Platforma e kriptove Binance, që është paditur nga rregullatorët amerikanë, tha të martën se po zgjeron shërbimet në Argjentinën e goditur nga inflacioni, duke i lejuar përdoruesit të blejnë dhe shesin monedha dixhitale drejtpërdrejt me monedhën lokale pesos.
Lëvizja i lejon argjentinasit të transferojnë pesos në një llogari Binance përmes një partneri lokal, i cili më pas mund të përdoret për të blerë kriptomonedhë. Deri më tani, Binance kishte operuar në Argjentinë vetëm si një platformë ndërmjetëse për të përputhur blerësit dhe shitësit e kriptove.
Lexo edhe: Binance nën akuzë se ka thyer rregullat financare të SHBA-së
“Ky zgjerim i shërbimit ka të bëjë me kërkesën publike që ekziston këtu,” i tha Reuters në një deklaratë me shkrim të martën Maximiliano Hinz, drejtor për Binance në Amerikën Jugore duke shtuar se Argjentina ishte një treg kyç për shkëmbimin.
Ai tha se përdoruesit vendas mund të transferojnë pesos në një llogari Binance dhe të shohin bilancin e tyre të pasqyruar atje në monedhën vendase, e cila më pas do të ishte e përdorshme për të blerë kripto. / Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
