Reklama inovative është paguar nga një zinxhir farmacish suedeze që dëshiron të inkurajojë duhanpirësit të largojnë erën e keqe.
Në shikim të parë, ekrani dixhital i pozicionuar jashtë një stacioni të metrosë tregon vetëm një foto të thjeshtë të një modeli.
Por ecni me një cigare të ndezur dhe njeriu në foto do të fillojë të kollitet, i shqetësuar qartë nga tymi.
Ekrani ndryshon përsëri dhe tregon produkte të ndryshme të cilat shiten nga zinxhiri i farmacive “Apotek Hjartat” që mund të ndihmojë duhanpirësit t’a lënë atë.
Akestam Holst, agjencia pas fushatës, ka krijuar efektin duke bashkangjitur detektorë tymi në ekranin e reklamës dixhitale.
Ata zgjodhën një vend ku njerëzit pinin duhan shpesh – në sheshin Odenplan të Stokholmit. Agjencia filmoi reagimet e duhanpirësve – disa u surprizuan, të tjerët reaguan me të qeshura.
Videoja është postuar në internet dhe është duke u ndarë gjerësisht.
“Qëllimi ishte për të rritur bisedat në lidhje me këtë temë, dokumentimin e reagimeve, inkurajimin e njerëzve për të jetuar një mënyrë jetese të shëndetshme,” tha Fredrik Kullberg, drejtor i marketingut në Apotek Hjartat. “Reagimi ka qenë kryesisht pozitiv.”
Koha e fushatës ishte e qëllimshme. “Ne e kemi hedhur këtë nismë që ka për qëllim të ndihmojë njerëzit me një nga rezolutat më të zakonshme të Vitit të Ri – lini duhanin”, tha Ida Persson, zëdhënëse e agjencisë.
Sipas Organizatës Botërore të Shëndetësisë, më shumë se 20% e suedezëve të moshës mbi 15 vjeç pijnë duhan.
Kjo është hera e dytë në më pak se një muaj që Akestam Holst ka kapur vëmendjen e botës së reklamave.
Në Dhjetor, ajo lançoi një fushatë për Ikea që riemëroi emrin e kompanisë së mobiljeve pas shqetësimeve të njerëzve.
Burimi: money.cnn.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
