Kur dëgjon emrin Bill Gates, mendja shkon menjëherë te Microsoft, miliardat dhe vendimet e mëdha që ndryshojnë botën. Por prapa suksesit të tij fshihet një metodë jashtëzakonisht e thjeshtë për të përballuar edhe problemet më të vështira. Në blogun e tij GatesNotes, Gates tregon se që në adoleshencë e deri sot, ai nis çdo sfidë me të njëjtin proces mendor.
Sipas tij, gjithçka fillon me dy pyetje kyçe, kush e ka zgjidhur këtë problem para meje dhe çfarë mund të mësoj prej tyre. Kjo qasje e ndihmon të mos humbasë kohë duke shpikur zgjidhje nga e para, por të ndërtojë mbi përvojën e të tjerëve.
Ekspertët e produktivitetit theksojnë se kjo metodë funksionon sepse ul stresin, përshpejton vendimmarrjen dhe shmang gabimet e panevojshme. Në vend të panikut, fokusohesh te zgjidhjet që tashmë kanë dhënë rezultate.
Mesazhi që përcjell Gates është i qartë: para se të dorëzohesh, ndalo dhe kërko shembuj suksesi rreth teje. Të mësosh nga të tjerët nuk është dobësi, por inteligjencë. Në fund të fundit, edhe njerëzit më të suksesshëm në botë sillen si nxënës, jo si “heronj që i dinë të gjitha”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
