Qytetaret ankohen se çmimet e biletave per transportin ajror jane te larta, ndersa sherbimi mbetet problematik.
“Shume shtrenjte. Kam ardhur nga Londra me 500 paund. Me 500 paund shkon ne Amerike”, thote nje prej tyre.
“Ka momente qe çmimet i reklamojne ndryshe, por kur shkon te paguash çmimi del dyfish. Jane shume me shtrenjte, nderkohe qe sherbimi eshte skandaloz”, shprehet nje tjeter.
Por autoritetet thone se sipas llogarive te tyre, çmimet jane ulur ndjeshem krahasuar me nje vit me pare. “Aktualisht me shifra dhe vlera tarifat ne tregun ajror kane rene nga 20 ne 30 per qind krahasuar me vitet e kaluara. Kjo rezulton nga statistikat”, deklaron Feliks Baci, drejtor i Aviacionit Civil.
Sipas kreut te Aviacionit Civil, ky eshte rezultat i nje sere masash qe jane ndermarre muajt e fundit, ku me kryesorja eshte liberalizimi i tregut.
“Ne kemi liberalizuar fluturimet, si per shembull itinerari nga Frankfurti ne Tirane behet me nje linje fluturimi te nje vendi te trete, siç eshte Sllovenia. Renia e çmimeve nuk mund te ndodhe ne nje dite. Politika eshte qe ne t’i pershtatemi tregut me norma dhe rregulla, pa e shqyer tregun. Te mos lejojme qe sot te hyjne operatore me tarifa te uleta, neser te falimentojne dhe te lene qytetarin ne aeroport”, thote Baci.
Nje dite me pare, agjencite e udhetimeve shprehen shqetesimin se Shqiperia eshte vendi me çmimet me te shtrenjta ne rajon per transportin ajror, duke i detyruar ato qe grupet e turisteve t’i orientojne drejt aeroporteve te vendeve fqinje.
Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
