Bernie Ecclestone ndoshta nuk është duke e drejtuar akoma “Formula 1”, por, ai nuk ka ndërmend që të shkëpusë lidhjet me të.
Në një ankand makinash nga Bonhams në Monaco të premten e shkuar, ai vendosi një ofertë për një makinë McLaren të “Formula 1”, të pilotuar dikur nga vetë legjenda Ayrton Senna. Britanikut iu desh të paguajë plot 5 milionë dollarë për të.
Ndryshe nga skuadrat e tjera, veçanërisht “Ferrari”, “McLaren” ka patur tendencën t’i mbajë makinat, pasi Ron Donnis mori drejtimin e skuadrës në vitin 1981. Të gjitha këto, të mbajtura në njësinë sekrete të quajtur “Unit 2”.
Makina në fjalë, është një McLaren MP4/8A, e drejtuar nga Ayrton Senna në kampionatin e vitit 1993. Ajo çoi në fitoren prestigjoze të Monaco Grand Prix atë vit. Por, titulli kampion shkoi për Alain Prost atë vit me Williams.
E dizejnuar nga Neil Oatley, ajo ka një motorr V8 Ford-Cosworth, i cili u vendos pas përfundimit të bashkëpunimit të suksesshëm me Honda. Kjo për shkak se japonezët u larguan nga Formula 1 për arsye ekonomike. Senna në fakt ishte tepër skeptik mbi lëvizjen e re të skuadrës së tij. Por, ata e mbyllën sezonin duke qenë një nga skuadrat më kompetitive të sezonit.
Vetë Senna, e pilotoi atë makinë për 8 gara. Në debutimin e tij, braziliani u rendit i dyti në renditje e përgjithshme.
Veç kësaj makine, u realizuan edhe disa shitje të tjera në atë ankand. Ndër të tjera, një Mercedes-Benz 300SL Roadster i vitit 1957 u shit për $1.45 milionë dhe një Bugatti EB110 GT i vitit 1993 për $718,400.
Burimi: Motor Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
