Banka Evropiane ngre “alarmin” për kriptot: Duhen rregulluar. Rrezikojmë krizë si të 2008-ës - Business Magazine Albania

Banka Evropiane ngre “alarmin” për kriptot: Duhen rregulluar. Rrezikojmë krizë si të 2008-ës

Zyrtarët e Bankës Qendrore Evropiane po përforcojnë thirrjet për një rregullim më të rreptë të kriptomonedhave, duke e krahasuar industrinë si një skenar i filmave të “Perëndimit të Egër” për pagesat.

Një përhapje e pakontrolluar e kriptove dhe monedhave të qëndrueshme (stablecoin) rrezikon kthimin në periudhat kur njerëzit tregtonin me kartëmonedha të emetuara privatisht të mbështetura nga aktive të dyshimta, tha anëtari i Këshillit Drejtues Francez, Francois Villeroy de Galhau, duke e quajtur situatën “një përgjigje e keqe për një sfidë të vërtetë”.

“Tregu i parregulluar i kriptomonedhave  do të nënkuptonte regres dhe kthim në fragmentim privat”, tha ai për Financial Times. “Kjo është gjëja e fundit që na nevojitet në botë tani.”

Komentet pasojnë një nga vlerësimet më të ashpra të BQE-së për botën e kriptove, dhënë një ditë më parë nga kolegu i Villeroy, Fabio Panetta. Anëtari i Bordit Ekzekutiv tha se kripto-asetet “po krijojnë një Perëndim të ri të egër” dhe e krahasoi dinamikën e tij me tregun e hipotekave që shkaktoi krizën financiare globale të vitit 2008.

Lexo edhe: “Superfuqi” për kriptomonedha. Në Indi të rinjtë preferojnë Bitcoin kundrejt arit dhe aksioneve “të mërzitshme”

Ndërsa pajtohej me krahasimin, Villeroy gjithashtu tërhoqi paralele me Mesjetën e Evropës.

“Ne kishim asete dhe monedha shumë të ndryshme në atë kohë me zona të kufizuara gjeografike,” tha ai. “Kjo nuk është mënyra se si unë e shoh procesin e sistemit global të pagesave.”

Rreth njëqind banka qendrore janë në faza të ndryshme të eksplorimit të përgjigjeve të tyre për risitë e kriptove, pasi u alarmuan nga popullariteti i aseteve dixhitale si Bitcoin që kërkojnë të anashkalojnë sistemet e centralizuara të pagesave.

BQE ka treguar se mund të nisë projektin për një euro dixhitale nga mesi i kësaj dekade, duke lejuar potencialisht konsumatorët të përdorin paranë elektronike që është një detyrim i drejtpërdrejtë i bankës qendrore, në vend të huadhënësve komercialë ose ofruesve të tjerë të shërbimeve të pagesave.

Villeroy tha se bankat qendrore duhet të rinovojnë veten dhe të kontribuojnë në rregullimin e kriptove. Panetta miratoi një qasje të ngjashme të hënën.

“Rritja e tregjeve të kripto-aseteve zbulon kërkesën në rritje të shoqërisë për asete dixhitale dhe pagesa të menjëhershme,” tha ai. Megjithatë, “tani është koha për të siguruar që kripto-asetet të përdoren vetëm brenda kufijve të qartë, të rregulluar dhe për qëllime që i shtojnë vlerë shoqërisë.”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0