Elon Musk është bërë baba për herë të 14-të! Sipërmarrësi miliarder dhe drejtoresha ekzekutive Shivon Zilis kanë mirëpritur në jetë fëmijën e tyre të katërt së bashku, një djalë të quajtur Seldon Lycurgus.
Lajmi u bë i ditur nga vetë Zilis përmes një postimi në platformën X më 28 shkurt, ku ajo ndau emocionet e saj për ardhjen e vogëlushit.
“Diskutuam me Elon dhe, në dritën e ditëlindjes së bukur të Arcadia-s, menduam se ishte më mirë ta ndanim edhe publikisht lajmin për djalin tonë të mrekullueshëm, Seldon Lycurgus. I ndërtuar si një forcë e pandalshme, me një zemër të madhe. E duam shumë ♥️,” shkroi ajo.
Musk reagoi shkurtimisht, duke komentuar vetëm një zemër “♥️”.
Një familje në rritje
Ky është fëmija i katërt që Musk dhe Zilis sjellin në jetë së bashku, pas binjakëve Strider dhe Azure, të lindur “fshehurazi” në 2021, dhe vajzës Arcadia, e cila festoi ditëlindjen e saj të parë në 28 shkurt.
Ndërkohë, pak javë më parë, më 14 shkurt, autorja Ashley St. Clair bëri të njohur një tjetër lajm, ajo dhe Musk janë bërë prindër të një djali pesë muaj më parë, duke e çuar numrin e përgjithshëm të fëmijëve të miliarderit në 14.
Musk dhe familja e tij e madhe
Musk është baba i 14 fëmijëve nga katër gra të ndryshme, përfshirë këngëtaren Grimes, me të cilën ka tre fëmijë: X Æ A-12, Exa Dark Sideræl dhe Techno Mechanicus (Tau). Ai ka gjithashtu pesë fëmijë të tjerë nga martesa e tij me shkrimtaren Justine Wilson.
Lajmi për lindjen e Seldon-it vjen në një moment kur Musk është përfshirë edhe në një çështje ligjore për kujdestarinë e fëmijës së tij me Ashley St. Clair, me një gjyq të planifikuar për në 29 maj.
Pavarësisht jetës së tij të ndërlikuar familjare, Musk mbetet një mbështetës i flaktë i idesë për rritjen e popullsisë globale. Ai ka deklaruar shpesh se rënia e lindshmërisë është një nga rreziqet më të mëdha për të ardhmen e njerëzimit, dhe mesa duket, ai po jep shembullin personal për ta kundërshtuar këtë trend.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English