ARMO sërish në krizë prodhimi » Business Magazine Albania – Media Dixhitale dedikuar Sipërmarrjes
Përditësuar së fundmi: 07/01/2019

ARMO sërish në krizë prodhimi

Share
nga Admin
Jan 07, 2019
Business Magazine Albania constitutes an online periodical publication of business related articles. It is the first of
lexo me teper >

Është kthyer tashmë në një rreth vicioz menaxhimi i ARMO-s. As një vit nga protestat e fundit të punonjësve, janë rikthyer protestat e tyre, pasi sërisht rafineria është pa punë dhe rrjedhimisht edhe ata. Në deklaratat e punonjësve, ARMO nuk po punon pasi nuk ka naftë dhe Tosk Energji, kompania që administron ARMO-n ka ndërprerë punën. Shqetësimi i punojësve flet për një konfklit mes kompanisë administratore të ARMO-s dhe furnitorit me naftë bruoto Bankers Petroleum. Në përgjigjen dhënë punonjësve, Tosk Energji vëren se nuk është furnizuar nga Bankers Petroleum në mënyrë që rafineria të mund të punojë.

Bankers Petroleum Albania nga ana e saj, ka bërë të ditur përmes një njoftimi zyrtar se Tosk Energji ka shkelur disa herë kontratën vitin e kaluar duke vonuar pagesat dhe tërheqjen e naftës nga depot e Bankers.

Në deklaratë thuhet se, “Në disa raste, Tosk nuk ka paguar për sasitë e naftës së dakortësuara në kontratë çka ka krijuar vështirësi serioze për Bankers në zhvillimin e operacioneve të nxjerrjes së naftës, duke akumuluar stoqe të mëdha nafte dhe duke shkaktuar kosto shtesë”.

Sipas Bankers, “punonjësit e ARMO-s janë duke u përdorur si presion kundrejt kompanisë Bankers kur në fakt është pikërisht Tosk Energji që ka dështuar në përmbushjen e termave të kontratës dhe në mbajtjen e një marrëdhënieje korrekte ndërmjet dy bizneseve”.

Pas disa tratativash, Bankers vëres se, aktualisht, nuk ka asnjë kontratë shit-blerje për vitin 2019 ndërmjet Tosk Energji dhe Bankers, “sepse Tosk, gjatë tre muajve të fundit, ka refuzuar në mënyrë të pandershme ofertat e vazhdueshme të Bankers për vitin 2019”.

Lexo: Rikthehet kriza në Armo. Naftëtarët në këmbë drejt Tiranës