Revista e njohur amerikane Jezebel, në një artikull të përvitshëm përzgjedh “50 Atlantasit më të bukur”. Pjesë e kësaj liste u bë dhe sipërmarrësi shqiptar Armir Harris, i cili ka emigruar nga Shqipëria që në moshë të vogël.
Revista Jezebel është një botim i që flet për jetën luksoze dhe përkrah stilin e sofistikuar të zonës së madhe të Atlantës.
Personazhet e përzgjedhur nga Jezebel, vijnë nga fusha të ndryshme. Ata nuk kthejnë vetëm koka në jetën sociale, por gjithashtu po transformojnë qytetin e Atlantës përmes një përzierje të përpjekjeve krijuese, biznesit dhe filantropisë.
Lexoni: Historia e emigrantit shqiptar që zotëron një nga sipërmarrjet më të suksesshme në Amerikë
Ja çfarë shkruhet për Armirin:
ARMIR HARRIS
CEO i Shofur; kryetar i Gogo Jets; dhe kryetar i charterup.com
Mosha: 31
Origjina: Vlorë, Shqipëri
Jeton në: Buckhead
Me vetëm 800 dollarë në xhep, Harris, një refugjat shqiptar, arriti të ndërtonte startup-in e tij të suksesshëm të transportit të bazuar në ATL, Shofur dhe tani kompania po e zgjeron industrinë e udhëtimit me autobus me më shumë se 2500 autobusë që shërbejnë në më shumë se 100 qytete në mbarë vendin. (Fakt interesant: Shofur renditet në vendin e 21-të në listën e kompanive private me rritje më të shpejtë në Amerikë!). Kur ai udhëton, bukuroshin e Mesdheut do ta shihni në ujë, ose duke bërë surfing, ose zhytje; por kur ai është në shtëpi në Atlanta, shpesh ju do ta gjeni atë duke pirë një gotë verë në Kyma, Umi dhe Barcelona Wine Bar.
Lexoni: Armir Harris: “Duhet të kesh disiplinë, të punosh shumë, të kesh vullnet dhe ambicie çdo ditë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
