Apple është përballur me një rënie të ndjeshme në bursë pas prezantimit të iPhone 17, duke humbur mbi 112 miliardë dollarë nga vlera e saj e tregut.
Aksionet e gjigantit amerikan ranë me 3.48% ditën e lançimit dhe vijuan të bien edhe më pas, duke e kthyer publikimin e modelit të ri në një nga momentet më të vështira të kompanisë vitet e fundit.
Shumë analistë e lidhin këtë rënie me zhgënjimin e investitorëve dhe konsumatorëve: iPhone 17 solli përditësime të kufizuara dhe nuk ofroi risitë e pritura në fushën e inteligjencës artificiale. Në kontrast, rivalët Samsung dhe Google kishin prezantuar më herët pajisje me ekrane të mëdha dhe modele të palosshme, duke rritur presionin ndaj Apple për inovacion.
Sipas ekspertëve të tregut, kjo është një nga goditjet më të mëdha që ka marrë kompania pas prezantimit të një produkti kryesor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
