Këshilli i Bashkëpunimit Rajonal (RCC) fton novatorët e rinj të aplikojnë për edicionin e 3-të të Çmimit Rajonal “Butterfly Innovation”, duke kërkuar zgjidhje të orientuara mbi nevojat e tregut të Ballkanit Perëndimor. Fondi total i Çmimit është 30,000 EUR, për zgjidhjen më të mirë në secilën nga gjashtë kategoritë, që merr një çmim prej 5,000 EUR.
Ashtu si vitet e mëparshme, ju mund të aplikoni për deri në dy nga gjashtë kategoritë:
- Inovacioni i Industrisë (automobilistikë, industri përpunuese e metaleve, industri kreative, agroushqim, ekonomi e gjelbër dhe qarkulluese, turizëm, FinTech, EdTech, BioTech, HealthTech, etj.);
- Inovacioni i Gjelbër (aksioni për klimën, energjinë e qëndrueshme, lëvizshmërinë dhe bujqësinë, lufta kundër ndotjes, mbrojtja e natyrës dhe biodiversitetit, etj.);
- Inovacioni STEM (shkencë, teknologji, inxhinieri dhe matematikë);
- Inovacioni i të rinjve (për të promovuar studentë të universitetit ose të shkollave të mesme);
- Inovacioni Universitar (për të promovuar kulturën e sipërmarrjes në universitete);
- Inovacioni i grave (për të promovuar gra novatore dhe sipërmarrëse).
Ftojmë individët dhe organizatat e kualifikuara të aplikojnë dhe të marrin pjesë në këtë konkurs.
Aplikantët duhet të jenë individë ose ekipe ku shumica e anëtarëve janë nën 35 vjeç (mosha mesatare për ekip nuk duhet t’i kalojë 35 vjet), hyrjet duhet të përshtaten brenda një prej kategorive zyrtare të çmimeve dhe zgjidhjet inovative duhet të demonstrojnë një ndikim të prekshëm brenda Ballkani Perëndimor.
Lexo edhe:Një ditë për të çmuar dashurinë dhe humanizmin në nder të Nënë Terezës
Edicioni i tretë i Çmimit Rajonal “Butterfly Innovation” vazhdon të mbështesë zhvillimin ekonomik të Ballkanit Perëndimor duke përqafuar transformimin digjital, nxitur qëndrueshmërinë mjedisore dhe duke promovuar kulturën e inovacionit. Duke nënvizuar arritjet e suksesshme inovative, çmimi synon të fuqizojë grupet e ndjeshme, veçanërisht të rinjtë dhe gratë.
Procesi i aplikimit është i hapur nga sot deri më 10 tetor 2024. Fituesit e Çmimit “Butterfly Innovation” do të shpallen në nëntor 2024.
Mësoni më shumë rreth Çmimit “Butterfly Innovation”.
Inovacioni rrallë ndodh të jetë një udhëtim i lehtë, por do të jemi të lumtur nëse mund t’ju ndihmojmë gjatë rrugës.
Çmimi Rajonal “Butterfly Innovation” financohet nga Bashkimi Europian dhe implementohet nga RCC. Është pjesë e Planit të Veprimit të Tregut të Përbashkët të Ballkanit Perëndimor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
