Aplikacioni i krijuar “për muslimanët nga muslimanët” përfshin kohët e lutjeve, thëniet islamike, pasazhet ditore të besimit, një kërkues të ushqimit hallall dhe komunikim social.
Tani ai ka lançuar teknologjinë tij të re ‘Ummah Online Marketplace’ ku përdoruesit mund të blejnë dhe shesin produkte në internet brenda një “ambienti etik dhe hallall” në një stil të ngjashëm me platformën amerikane të tregtisë elektronike eBay.
“Ne duam të jemi eBay i radhës … Blerësit dëshirojnë të kenë mundësinë për t’i blerë artikujt me çmim më të lirë, si dhe të shkëmbejnë mallrat që janë të dobishme për të dyja palët,” tha një zëdhënës i Ummah.
Aplikacioni pa pagesë aktualisht përbëhet nga 20,000 përdorues dhe është në dispozicion në App Store dhe Google Play.
Ekonomia islame ka përjetuar një rritje të produkteve të dizajnuara për të furnizuar muslimanin modern me një gamë të gjerë sektorësh nga moda, bukuria, deri te turizmi hallall dhe financat islamike.
Besohet se është një nga ekonomitë më të mëdha të pashfrytëzuara në botë dhe ekonomia me rritjen më të shpejtë me bazë besimin. Vetëm në vitin 2017, rreth 1.8 miliardë muslimanë me një moshë mesatare prej vetëm 24 vjet kanë shpenzuar 2.1 trilion dollarë, sipas raportit më të fundit të Shtetit Global të Ekonomisë Islame.
Deri në vitin 2060, popullsia e muslimanëve pritet të rritet në 3 miliardë, sipas parashikimeve të qendrës kërkimore Pew.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
