Kancelarja e Gjermanisë Angela Merkel i është drejtuar për herë të parë kombit të saj, që nga nisja e drejtimit politik, përmes një fjalimi televiziv.
Merkel u bëri apel qytetareve të Gjermanisë të respektojnë masat për parandalimin e përhapjes së epidemisë duke i bërë thirrje arsyes së qytetarëve që të jenë të disiplinuar. Merkel e cilësoi luftimin e Covid 19 një detyrë me përmasa historike.
“Gjendja është serioze, E di sa e vështirë është të mbyllësh hapësirat e aktiviteteve, shkollat, kopshtet e fëmijëve dhe sheshet e lojërave. Janë kufizime, që nuk kanë ndodhur asnjëherë tjetër në Republikën Federale”, tha Merkel.
Megjithatë, sipas saj, duhet të ndiqen rregulloret. “Ju bëj thirrje juve: përmbajuni rregullave që do të hyjnë në fuqi së shpejti. Ne si qeveri vazhdimisht do të shqyrtojmë, se çfarë mund të korrigjohet sërish, por edhe se çfarë është e nevojshme. Që pas Luftës së Dytë Botërore nuk ka pasur ndonjë sfidë të ngjashme që I kërkon vendit tonë një reagim të përbashkët e solidar të këtij niveli. “Më lejoni t’ju them këtë: është diçka serioze. Merreni edhe ju si të tillë. Të luftojmë koronavirusin është një detyrë. historike dhe mund të përballohet vetëm së bashku. tha Merkel gjatë fjalës së saj drejtuar qytetarëve gjermanë.
Gjermania ka nisur të ketë pasoja edhe në industrinë e saj, me Volksëagen, Daimler dhe BMW, të cilat kanë lajmëruar pezullimin e prodhimit të automobilave në Europë për një periudhë 2-4 javë.
Fjalimi DW
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
