Silicon Valley dhe gjigantët globalë të teknologjisë kanë investuar miliarda dollarë në inteligjencën artificiale, por deri tani nuk kanë parë kthim investimi të konsiderueshëm. Raporti i fundit tregon se mbi 80% e projekteve me modele të mëdha të AI dështojnë për shkak të kostove të larta, cilësisë së dobët të të dhënave dhe efikasitetit operativ të pamjaftueshëm shkruan Fortune.
Në vend që të fokusohen te modelet gjenerale të shtrenjta si GPT‑4 apo Llama 3, artikulli sugjeron adoptimin e ‘small AI’, modele të fokusuara, me parametrat më pak kompleks, vëllim të reduktuar të të dhënave dhe konsum më të ulët kompjuterik.Kjo qasje jo vetëm që ul ndjeshëm kostot, por përmirëson besueshmërinë dhe kohën e përgjigjes, duke sjellë fitime të prekshme operacionale.
Shembuj konkretë përfshijnë Bonsai Robotics, që ka arritur suksese në aplikacione specifike si bujqësia precize, dhe integrimin e teknologjisë GPT në produktet Copilot të Microsoft-it, që ofron vlera konkrete për biznesin.
Lexo edhe: Altman shprehet i trembur nga GPT-5
Përfaqësuesit e industrisë theksojnë se ‘small AI’ nuk e heq rëndësinë e kërkimit themelor, por ndryshon fokusin drejt qëndrueshmërisë dhe shkallëzueshmërisë: duke zgjedhur zgjidhje të qarta, efikase dhe me ndikim të matshëm ekonomik. Deri kur modelet e mëdha të vërtetojnë vlerën e tyre në praktikë, strategjia më e arsyeshme për bizneset është: mendoni më ngushtë, prodhoni më shpejt dhe gjeneroni ROI real.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
