Në mes të krizës ekonomike të shkaktuar nga pandemia e koronavirusit, Amazon jo vetëm që nuk po shkurton staf, por po mundohet ta zgjerojë atë.
Vetëm muajin e fundit kjo kompani ka punësuar 100 mijë vetë si staf shtesë. Ndërkohë Amazon po kërkon tashmë të rekrutojë 75 mijë punonjës të tjerë.
Gjigandi teknologjik për blerjet online ka nevojë për më shumë punonjës për të përballuar kërkesat masive të njerëzve që tashmë qëndrojnë në shtëpi dhe porosisin online për shkak të izolimit.
Amazon po kërkon të punësojë amerikanë të cilët kanë humbur punët e përparshme për shkak të krizës.
Lexoni: Cashbook Finance dhe ofrimi i shërbimeve inovative financiare në Mbretërinë e Bashkuar
“Ne e dimë që shumë njerëz janë ndikuar ekonomikisht pasi punët në fusha si restorantet dhe udhëtimet është shkurtuar si pasojë e kësaj krize. Ne mirëpresim cilindo që pushohet nga puna të na bashkohet në Amazon derisa gjërat të kthehen në normalitet dhe punëdhënësi i tyre i kaluar t’i rimarrë në punë”, shkruhet në blogun e Amazon.
Kur Amazon njoftoi muajin e kaluar se do të punësonte 100,000 punëtorë të rinj, kompania gjithashtu tha se do të shpenzonte 350 milion dollarë për të rritur pagën e punonjësve me 2 dollarë në orë gjatë krizës së koronavirusit. Tani, kompania vlerëson se do të shpenzojë mbi 500 milion dollarë për rritjen e pagave. Amazon ka bërë disa ndryshime për të ndihmuar në përmbushjen e kërkesës së klientëve gjatë javëve të fundit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
