Janë organizuar plot pesë takime në kuadër të konkursit mbarëkombëtar Albanian ICT Awards që tashmë i ka hyrë fazës më intensive të rrugëtimit të saj. Dita e premte foli e gjitha për komunitetin ICT në Shqipëri ku u organizuan dy takime.
I pari në Universitetin Metropolitan të Tiranës ndërsa i dyti i dedikohej kërkimit të ICT Yjeve në Ngritje pranë shkollës së Mesme Profesionale në Kamëz. Ditën e djeshme, organizatorët e garës u rikthyen në Kosovë dhe përçuan mesazhin tek studentët e Kolegjit Universuum.Ndërsa sot, në bashkëpunim me Jakova Innovation dhe Komunën e Gjakovës, ICT Awards udhëtoi në drejtim të qytetit mikëpritës të Gjakovës. Destinacioni final ishte qendra Bonevet ku zuri vend një takim informativ.
Pjesëmarrës ishin të rinjtë që angazhohen në këtë qendër ndërsa nuk munguan anëtarë të tjerë të shquar të komunitetit vendas të ICT-së.
Në Talent Garden Tirana gjithashtu u mbajt një takim i veçantë ditën e djeshme ku u vendos fuqishëm theksi tek kategoria Femra në Tik, kjo falë pjesëmarrjes së një mysafiri të veçantë nga Parisi, Anila Hyka Smørgrav.
Dita e hënë do të rikthejë përsëri entuziasmin e takimeve të Albanian ICT Awards me një takim me të vërtetë të veçantë me shqiptarët e Maqedonisë në Universitetin e Europës Juglindore.
Gjer atëherë ne ju ftojmë që të vizitoni uebfaqen e ICT Awards ku do të gjeni informacionet më të fundit rreth takimeve, të rejave, formave të aplikimit dhe shumë të tjera dhe pse të mos jepni kontributin tuaj në këtë nismë. Afati i fundit i aplikimeve ngelet data 31 Mars prandaj nxitoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
