Përpara Lojërave Olimpike Verore dhe Paraolimpike, ekspertët e Kaspersky analizuan rreth 25 mijë pika të nxehta Wi-Fi falas në Paris. Analiza zbuloi se gati 25% e këtyre rrjeteve kanë enkriptim të dobët ose aspak, duke i bërë të gjithë ata që lidhen me to të cenueshëm ndaj vjedhjes së informacionit personal dhe bankar. Vetëm 6% e këtyre rrjeteve përdorin protokollin më të fundit të sigurisë WPA3.
Studiuesit nga ekipi GreAT i Kaspersky hartuan dhe vlerësuan sigurinë e rrjeteve të hapura Wi-Fi për vizitorët në Paris. Ata analizuan 47,891 sinjale në vendet e njohura dhe objektet olimpike në qytet, duke identifikuar 24,766 pika unike qasje Wi-Fi. Analiza tregoi se 25% e këtyre rrjeteve kanë dobësi serioze të sigurisë, si enkriptimi i dobët ose joekzistent, dhe gati 20% përdorin sistemin e vjetruar të mbrojtjes WPS. Vetëm 6% e rrjeteve të analizuara përdorin protokollin WPA3.
Përdorimi i një rrjeti privat virtual (VPN) ofron një nivel shtesë sigurie për ata që hyjnë në rrjetet e hapura Wi-Fi. VPN-ja kodon lidhjen e internetit, duke krijuar një tunel të sigurt dhe parandalon përgjimin e të dhënave.
Rekomandimet e ekspertëve të sigurisë kibernetike për përdoruesit e Wi-Fi publik përfshijnë:
- Shmangia e transaksioneve të ndjeshme.
- Verifikimi i legjitimitetit të rrjetit.
- Aktivizimi i firewall-it të pajisjes.
- Përdorimi i fjalëkalimeve të forta dhe vërtetimit me dy faktorë.
- Përditësimi i rregullt i softuerit.
- Çaktivizimi i ndarjes së skedarëve dhe AirDrop.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
