Aktivistët ngrenë alarmin! Ky aplikacion i Metaverse lejon të miturit të hyjnë në klube virtuale striptize - Business Magazine Albania

Aktivistët ngrenë alarmin! Ky aplikacion i Metaverse lejon të miturit të hyjnë në klube virtuale striptize

Disa aplikacione në realitetin virtual Metaverse janë “të rrezikshme për nga dizajni”.

Një gazetare investigative që hiqej si një 13-vjeçare në rrjetin e ‘realitetit virtual’ të ngjashëm me atë të kreut të Facebook, Mark Zuckenberg, mund të hynte virtualisht në ‘klube striptize’ të shikonte animacione seksuale dhe të ekspozohej ndaj një fjalori dhune e seksi, sipas një investigimi shokues të rrjeteve britanike.

Në rrjetin Metaverse të miturit mund të “zhvisheshin” virtualisht, te shihnin e të bënin “gjëra që nuk thuhen”, sipas gazetares britanike të BBC, që nuk është emëruar publikisht.

Fëmijët në realitetin virtual mund të shikonin kërcim erotik të modeleve në tub, të bëheshin bashkë me të rriturit në ambjentin virtual, çka sillte një normalizim të joshjes së të miturve, pedofilisë dhe kërcënimeve të përdhunimit.

Në përgjigje të investigimit, Komisionerja e Mbrojtjes së Fëmijëve në Angli i bëri thirrje kompanive të “gjejnë busullën e tyre morale” për të eliminuar sjelljet e papërshtatshme për fëmijët në botën virtuale.

‘Dame’ Rachel de Souza tha se ishte ‘tmerruar’ nga ajo që kishte parë në investigim dhe “e zhgënjyer që kompanitë nuk kishin menduar për sigurinë në botët 3D”.

Investigimi zbuloi se joshja e të miturve, materialet seksuale, gjuha racore dhe kërcënuese, mbizotëronin në këto aplikacione.

­Inivestiguesja që ishte rregjistruar në realitetin virtual si 13-vjeçare, tha se hynte në dhoma  ku “qenie aliene bënin seks të simuluar, duke përdorur prezervativë dhe lodra seksi, dhe më pas ishte ftuar prej tyre të merrte pjesë.

Themeluesi i Facebook, Mark Zuckerberg thotë se bota virtuale është e ardhmja prandaj ka nxjerrë në shitje ‘kokoren’ e realitetit virtual Oculus Quest, që tashmë quhet Meta Quest.

Teknologjia është e njëjtë për 75 përqind të tregut të aplikacioneve të realitetit virtual, dhe u përdor nga gazetarja për të eksploruar aplikacionin VRChat. Versioni i njëjtë në grupin Meta, quhet Horizon.

‘VRChat’ nuk është prodhuar nga Meta por mund të shkarkohet nga Facebook dhe ‘Meta Quest’ pa asnjë kufizim moshe.

Aktivistët e sigurisë së fmëiijëve kanë folur shpesh për naivitetin e qëllimshëm ose jo të kompanive të teknologjisë për mbrojtjen e fëmijëve nga përmbajtjet për të rritur.

Komisionerja de Souza tha: “Pra inxhinierët fantastikë të Mark Zuckerberg që mund të krijojnë këto gjëra nuk mbajnë dot të sigurtë fëmijët nga përmbajtjet e gabuara. Kjo është sfida për kompanitë e teknologjisë dhe ata duhet të shpejtojnë me gjetjen e zgjidhjeve”.

Këtë muaj në Britani faqet pornografike të internetit u detyruan të kërkojnë verifikim të moshës për përdoruesit, por komisionerja tha se kriteret duhet të zgjerohen.

Lexo edhe: Pse kompanitë private dhe sipërmarrësit do të dominojnë Metaverse?!

Kreu i agjencisë së sigurisë online për fëmijët në Britani, Andy Burrows tha se investigimi kishte zbuluar disa rreziqe.

“Fëmijët po ekspozohen ndaj eksperiencave totalisht të papërshtatshme dhe shumë të dëmshme”, tha ai.

“Keto produkte janë të rezikshme me dizajnin e tyre, prej pakujdesisë e neglizhencës”.

Kritikët thonë se gjithçka në “realitetin virtual” është e orientuar te seksi, me ngjyra që shihen më shumë më zonën me drita të kuqe në Amsterdam apo në Soho në Londër.

bbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0