Autoriteti Kombëtar për Sigurinë Kibernetike (AKSK), në bashkëpunim me CRDF Global dhe me mbështetjen e Departamentit Amerikan të Shtetit, zhvilloi përgjatë dy ditëve (23-24 korrik) aktivitetin “Cyber Fortress”. Ky aktivitet dy-ditor bashkoi ekspertë të sigurisë kibernetike nga Shqipëria dhe Kosova në një simulim të incidenteve kibernetike, duke përdorur skenarë të ndryshëm dhe sfidues.
Gjatë këtij eventi, pjesëmarrësit u ndanë në ekipe dhe garuan në zgjidhjen e skenarëve të ndryshëm të incidenteve kibernetike, duke pasur në dispozicion disa zgjidhje teknike dhe një buxhet të caktuar për të mbrojtur infrastrukturën. Ekspertët u përqendruan në identifikimin e problemeve, vlerësimin e skenarëve dhe diskutimin e zgjidhjeve më të mira.
Lexo edhe:Rikthehet në datat 14-27 tetor “EU Code Week”
AKSK duke organizuar dhe mbështetur aktivitete si Cyber Fortress 2024, ka në fokus jo vetëm përmirësimin e dhe forcimin e kapaciteteve të ekspertëve të sigurisë kibernetike, por gjithashtu promovimin e një bashkëpunimi të fortë ndërkombëtar. Angazhimi i AKSK është i orientuar drejt krijimit të një mjedisi të sigurt dhe të qëndrueshëm kibernetik për të gjithë, duke forcuar lidhjet dhe duke shkëmbyer njohuri me partnerët ndërkombëtarë për të adresuar më mirë sfidat e përbashkëta në këtë fushë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
