Ministria e Shëndetësisë po zbaton programin e dezinsektimit përgjatë Ultësirës Perëndimore dhe disa prej qyteteve kryesore në vend. Në Shkodër dhe Velipojë janë dezinsektuar rreth 50 hektarë sipërfaqe, veçanërisht në zonën bregdetare.
“Kjo ndihmon jo vetëm në mbarëvajtjen e sezonit turistik duke pakësuar bezdisjen ndaj pushuesve, por sigurisht ul shumë edhe rrezikun që nëpërmjet tyre mund të merren sëmundje të cilat janë të dëmshme për shëndetin e njeriut”, tha ministri i Shëndetësi, Ilir Beqaj.
“Po përdoren mjetet nga më të mirat, janë mjete biologjike, për luftimin e larvave dhe mushkonjave”, u shpreh mjeku epidemolog, Jorgji Petrokosta.
Nga matjet e realizuara nga Drejtoria Rajonale e Shëndetit të Shkodrës pas trajtimeve rezulton se në zonat e dezinsektuara nuk ka më prani të larvave të mushkonjave. Procesi do të vazhdojë deri në fund të muajit tetor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
