Lorena Hoxha është finaliste në konkursin IDEA. Ajo është 32 vjeçe, e diplomuar në Akademinë e Arteve dhe ka një përvojë të larmishme në Teatrin Kombëtar të Operas dhe Baletit, në festivalet folklorike brenda dhe jashtë vendit si dhe në një sërë aktivitetesh të tjera artistike.
Në 2018 ajo ka nisur aktivitetin e saj, si koreografe dhe drejtuese e akademisë “Global Dance”, në qytetin e Vlorës. Aty ofron aktivitete nga më të ndryshmet, duke nisur nga kërcimet profesionale modern/ klasike/ kontemporane/ hip-hop/ Zumba.
Targetgrupi për këto shërbime janë kryesisht moshat e reja deri në 20 vjeç, duke u ofruar kurse dhe një jetë të pasur artistike, përkundrejt çmimeve konkurruese në treg.
Për Business Magazine, Lorena shprehet për zgjedhjen e saj që këtë akademi kërcimi ta hapë në Vlorë:
“Duke qenë se kam përfunduar studimet e larte në Akademinë e Arteve në Tiranë për degën koreografi dhe me shumë aktiviteteve të ndryshme si brenda edhe jashtë Shqipërisë, dëshira ishte që të hapja Akademinë time të kërcimit. Vendosa për në Vlore sepse bashkëshorti im jetonte atje. Ky vendim erdhi pasi pashë që kishte kërkesa në këtë qytet. Vlora është një qytet që promovon vlera artistike edhe për me tepër shumë i dashur nga turistët”.
Vështirësitë për krijimin e biznesit të saj nuk kanë munguar, ku Lorena përmend konkurencën me akademitë e tjera që ishin më të vjetra në qytet. Por ajo tregon katër ide për të zgjeruar biznesin e saj:
- Zgjerimi i Akademisë në një ambient më të madh, ku të kemi mundësi të zhvillojmë mësimin në 2 klasa paralele ( ku prindi edhe fëmija në të njëjtën kohe të zhvillonin mësimin) kjo do të lehtësonte më shumë prindërit edhe do të sillte komoditet. Të përhapemi edhe në zonat jashtë Vlorës si Orikumi edhe zonat përreth pasi ka kërkesa.
- Të krijojmë një platforme online ku të gjithë nxënësit edhe të interesuarit të kenë mundësi të informohen, regjistrohen dhe të kryejnë pagesat vetëm me 1 klik. Të zhvillojmë edhe klasa online.
- Të certifikojmë akademinë tonë, ku mund të marrim pjesë dhe të zhvillojmë kompeticione me përmasa globale.
- Të fusim një risi në Akademi, duke hapur një klasë të re “Terapia e kërcimit” që sjell përfitime të mira mendore fizike edhe emocionale për njerëzit që kanë kaluar probleme me shëndetin.
Pavarësisht se shpesh njerëzit mund të shmangin idenë e fillimit të një kursi kërcimi, sipërmarrësja mendon se kërcimi është një formë arti, i cili ndihmon të “mbajë gjallë” trupin dhe mendjen, si dhe të zhvillojë aftësitë e të menduarit në mënyrë kritike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
