Në eventin “awe dropping” të Apple më 9 shtator, kompania prezantoi funksionin Live Translation si risinë kryesore të kufjeve të reja AirPods Pro 3.
Mjafton një gjest i thjeshtë në AirPods Pro 3 për të nisur seancën e përkthimit. Apple Intelligence përpunon atë që thotë personi përballë dhe e rikthen menjëherë përkthimin në gjuhën e preferuar, direkt në veshin tuaj, ndërkohë që iPhone shfaq (dhe madje mund të lexojë me zë) përgjigjen tuaj. Kur të dy bashkëbiseduesit mbajnë AirPods të pajtueshme, përkthimi i secilës palë dëgjohet privatisht në veshët e tyre dhe zhurmat e ambientit zbehen për pak çaste, duke e bërë komunikimin më të shpejtë dhe më natyral sesa konfigurimi me vetëm një palë kufje.
Lexo edhe: Spoonbill PMS – Digjitalizimi i mikpritjes për t’u përballur me sfidat e vërteta
AirPods Pro 3 mund t’i porosisni që sot, ndërsa do të jenë të disponueshme nga e premta, 19 shtator. Apple ka nisur të integrojë përkthimin në platformë që nga WWDC 2025, me daljen e iOS 26 për zhvilluesit dhe versionet beta, duke e përfshirë në aplikacionet Phone, FaceTime dhe Messages. Tashmë, kjo risi zgjerohet edhe në bisedat ballë për ballë përmes AirPods, duke e bërë përvojën hands-free dhe diskrete.
Funksioni i ri i përkthimit do të jetë i disponueshëm gjithashtu për AirPods Pro 2 dhe AirPods 4. Përkthimi live në kufje e çon AirPods përtej përdorimit klasik “muzikë dhe telefonata”, duke i kthyer ato në një mjet të fuqishëm për udhëtime dhe aksesueshmëri. Për përdoruesit e iPhone, kjo është një lëvizje e fortë që forcon ekosistemin e Apple, duke konkurruar drejtpërdrejt me kufjet e Google dhe Samsung, të cilat kanë promovuar funksione të ngjashme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
