Airbus po bën një hap revolucionar drejt automatizimit industrial. Gjiganti europian i aviacionit ka nënshkruar një marrëveshje me kompaninë kineze UBTech Robotics, për të testuar robotët humanoidë Walker S2 në linjat e prodhimit të aeroplanëve.
Robotët do të përdoren për detyra të përsëritshme, të rënda dhe që kërkojnë saktësi ekstreme, duke rritur efikasitetin dhe sigurinë në fabrika. Walker S2 është projektuar për të punuar pa ndërprerje:
– Ndërron baterinë automatikisht
– Punon 24 orë në ditë
– Mban ngarkesa deri në 15 kg
– Ka lëvizje të stabilizuara dhe kontroll preciz
Ky robot është tashmë në përdorim nga kompani të mëdha si BYD dhe Foxconn, ndërsa bashkëpunimi me Airbus shihet si një hap strategjik për hyrjen e robotëve humanoidë në industrinë ajrore.
Rritje aksionesh dhe zgjerim global
Pas njoftimit të marrëveshjes, aksionet e UBTech u rritën me 6.76% në bursën e Hong Kongut, duke treguar interesin e fortë të tregut për teknologjitë humanoide. Paralelisht, kompania po zgjeron bashkëpunimet ndërkombëtare, përfshirë një marrëveshje të fundit me Texas Instruments.
Boston Dynamics + Google DeepMind/ Robotët që “sillen si njerëz”
Ndërkohë, gara globale për robotët humanoidë po intensifikohet. Boston Dynamics ka njoftuar një partneritet strategjik me Google DeepMind, për zhvillimin e robotit të ri Atlas. Projekti synon që roboti të ketë sjellje më natyrale dhe inteligjencë më të avancuar në ndërveprim me njerëzit.
Lajmi u bë publik gjatë konferencës së Hyundai në CES 2026, ku u konfirmua se Atlas do të jetë rasti i parë i testimit për modelet e reja të AI-së së DeepMind.
Elon Musk dhe ideja kontroverse/ Robotë që ndjekin kriminelët
Në të njëjtën kohë, Elon Musk ka hedhur një ide që ka ngjallur debat global, përdorimin e robotit Optimus të Tesla-s për të monitoruar personat e dënuar, duke i ndjekur si kamera lëvizëse sigurie për të parandaluar krime të reja.
Optimus, i prezantuar në vitin 2022, është projektuar si një robot humanoid autonom për përdorim të përgjithshëm dhe mbështetet në inteligjencën artificiale për të kryer detyra njerëzore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
