“AIESEC”, organizata globale që ofron mundësi për të rinjtë

“AIESEC”, organizata globale që ofron mundësi për të rinjtë


E pranishme në mbi 126 shtete, AIESEC mundëson një rrjet shkëmbimi kulturor në formën e eksperiencave vullnetare dhe internshipeve profesionale.

AIESEC u shtri në Shqipëri pesë vite më parë dhe gjatë kësaj kohe ka punuar për të zhvilluar shoqërinë dhe ndikuar në rininë shqiptare përmes programeve dhe eventeve të ndryshme.

Produktet që ofrohen:

Global Volunteer – është një përvojë vullnetare ndër-kulturore për të rinjtë që duan të fitojnë zhvillim personal dhe të lënë një ndikim në botë. Vende të ndryshme do t’ju mirëpresin për një ekperiencë 6 javore të paharrueshme.

Nëse nuk provoni dhe përjetoni gjëra të reja, nuk do të gjeni potencialin tuaj të plotë.

 

Global Talent – është një përvojë praktike për të rinjtë që synojnë zhvillimin profesional të karrierës në një mjedis global. Ky program është i paguar dhe kërkon diplomën Bachelor.

Ju mund të fitoni përvojë në mjediset e reja të punës, aftësi të nevojshme ndër-kulturore dhe të sillni një perspektivë të re për kompanitë.

 

Global Entrepreneur – është një përvojë praktike në një startup-i ku të rinjtë mund të eksplorojnë, mësojnë dhe kontribuojnë në botën e sipërmarrjes. Bëni lidhjet e duhura dhe zgjeroni rrjetin tuaj profesional për të mbështetur sipërmarrjet tuaja të ardhshme.

 

Por përvec të rinjve shqiptarë nga mosha 18-30 vjec, AIESEC in Albania pranon të rinjtë nga e gjithë bota të bëhen pjesë e projekteve aktuale që vendi ynë ofron.

Kjo është një mundësi e mirë dhe për familjet shqiptare për të njohur një kulturë të re. Duke qenë se shqiptarët njihen si popull mikëpritës e bujar, programi Global Family ju jep mundësinë të strehoni një student të huaj nga AIESEC Global, për një periudhë të shkurtër 2-4 javore. Eksploroni botën pa u larguar nga shtëpia juaj.

Mundësia për të udhëtuar botën e për të zhvilluar aftësitë personale, që deri vonë na dukej e pamundur, vjen si një dhuratë e bukur nga AIESEC. Me AIESEC të gjithë janë të fituar!

Nëse jeni 18-30 vjec, mjafton të aplikoni në: aiesec.org, zgjidhni një nga kategoritë e lartëpërmendura dhe më pas procedura e thjeshtë e AIESEC do t’ju njoftojë menjëherë për vazhimësinë.

Për informacione më të detajuara ju lutem kontaktoni: gledis.kodra@aiesec.net  ose AIESEC Albania.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0