Agjencia Shqiptare e Zhvillimit të Investimeve (AIDA) fton ndërmarrjet e vogla dhe të mesme të aplikojnë për fondet e financimit të këtij viti. Skemat e financimit nga qeveria Shqiptare janë tre:
Fondi i Ekonomisë Kreative (Artizanatit) – Ka për objektiv nxitjen dhe zhvillimin e sektorit të artizanatit dhe zejtarisë në vend. Buxheti i vënë në dispozicion për vitin 2019 është 10 milionë lekë.
Kliko Këtu për dokumentat.
Fondi në mbështetje të sipërmarrjeve të reja ‘Start Up’– Përmes kësaj skeme synohet mbështetja e bizneseve të sapo krijuara ‘Start Up’ në Shqipëri përmes subvencionimit financiar të drejtpërdrejtë për këtë kategori biznesi.
Fondi mundëson grand deri në 500 mijë lekë për projekt. Ai mbulom 70% të kostove të investimit të kompanisë. Fondi total në dispozicion është 10 milionë lekë, mbështet kryesisht ndërmarrjet që ushtrojnë aktivitetin në sektorët prodhues e të shërbimit, industrisë së lehtë, turizmit, agropërpunimit, etj.
Kliko Këtu për dokumentat.
Fondi i Inovacionit financon një pjesë të kostove. Pjesa tjetër mbulohet nga përfituesi. Shuma maksimale për një ndërmarrje është 400 mijë lekë.
Sipërmarrjet që aplikojnë për ‘blerje pajisjes teknologjike’ mund të financohen deri në 600 mijë lekë. Skema mbulon 50% të kostove.
Në një vit, mund të asistohet 1 projekt për çdo ndërmarrje dhe fondi mund të mbulojë kostot për auditim të kapacitetit inovativ dhe teknologjik, ndërkombëtarizimin e teknologjisë, pjesëmarrjen në panaire inovacioni e teknologjie si dhe licencat apo patentat për software ose hardware.
Kliko Këtu për dokumentat.
Data 1 nëntor 2019 është afati i fundit i aplikimeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English