TIRANE-Ministri i Ekonomise dhe Energjetikes, Arben Ahmetaj, duke folur ne konferencen per Ballkanin, qe po organizohet ne Berlin, u pyet edhe per rendesine qe ka gazsjellesi TAP per vendin tone.
Ahmetaj tha se ky gazsjelles e kthen Shqiperine ne nje nyje te furnizimit me energji. “Do te doja te theksoja se ne Shqiperi ne besojme se vendet e vegjel si yni nuk mund t’ia dalin pa integrim ne tregun global. Ne jemi nje treg i vogel prej 3- 4 milione konsumatoresh dhe 30 milione si rajon.
Duke iu referuar TAP, siguria energjetike dhe furnizimi me energji duhet te shihen te lidhura bashke per krijimin e nje klime te qendrueshme.
Pa sigurine energjetike, stabiliteti mund te vihej ne dyshim. TAP per Shqiperine do te thote jo vetem furnizim me energji, por mbi te gjitha e vendos Shqiperine ne nje pozicion shume te rendesishem ne harte.
Nuk eshte thjesht nje tubacion gazsjelles; Shqiperia do te kthehet ne nje “nyje” te furnizimit me energji nga Shah Deniz, Greqia, Italia ne dy drejtime: nga rajoni drejt BE dhe anasjelltas.
Kjo gje do ta beje tregun shume me fleksibel, do te reduktoje varesine nga Rusia dhe vende te tjera dhe do te na beje ne “te luajme sipas rregullave te tregut”.
Dua gjithashtu te permend nje element qe ne te ardhmen afatmesme do te behet shume i rendesishem: interkonjeksioni potencial me IAP, gje qe do te garantoje alternativa te ndryshme per furnizimin me energji dhe gaz,” tha Ahmetaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
