Agjencia Ndërkombëtare e Energjisë: Prodhimi i energjisë së rinovueshme do rritet me 75% në pesë vite - Business Magazine Albania

Agjencia Ndërkombëtare e Energjisë: Prodhimi i energjisë së rinovueshme do rritet me 75% në pesë vite

Kapaciteti global për prodhimin e energjisë së rinovueshme do të rritet me rreth 75% në pesë vitet e ardhshme, tha të martën Agjencia Ndërkombëtare e Energjisë (IEA), duke përmendur shqetësimet e sigurisë së energjisë si një arsye kryesore.

Shqetësimet për sigurinë energjetike të shkaktuara nga pushtimi i Ukrainës nga Rusia kanë motivuar vendet që t’u drejtohen burimeve të rinovueshme si dielli dhe era për të reduktuar varësinë nga karburantet fosile të importuara.

Çfarë thuhet në raportin e IEA

Sipas parashikimit, burimet e rinovueshme do të përbëjnë mbi 90% të prodhimit global të energjisë elektrike gjatë pesë viteve të ardhshme, duke kapërcyer qymyrin për t’u bërë burimi më i madh i energjisë elektrike globale në fillim të 2025.

Lexo edhe: Parkingjet po bëhen po aq të rëndësishme sa makinat në përpjekjet për ndryshimin e klimës

Agjenica Ndërkombëtare e Energjisë pret që kapaciteti në mbarë botën të rritet me rreth 2,400 gigavat – ekuivalenti i të gjithë kapacitetit aktual të energjisë elektrike të Kinës – në 5,640.

Kjo rritje është 30% më e lartë se rritja e parashikuar një vit më parë, pasi çmimet më të larta të karburantit dhe energjisë elektrike i bëjnë burimet e rinovueshme gjithnjë e më tërheqëse për investitorët dhe konsumatorët.

Ndërkohë, Shtetet e Bashkuara, Kina dhe India po miratojnë gjithashtu politika dhe reforma tregu për të nxjerrë energjitë e rinovueshme më shpejt se sa ishte planifikuar më parë, thuhet në raport.

IEA tha se vetëm Kina mund të përbëjë pothuajse gjysmën e shtimit të kapaciteteve të reja globale të energjisë së rinovueshme në pesë vitet e ardhshme./ Deutsche Welle 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0