Në kuadër të përmirësimit të sistemit të transparencës dhe mbledhjes së tatimeve, qeveria ka prezantuar ndryshimet për Deklaratën Individuale Vjetore të të Ardhurave (DIVA), e cila hyn në fuqi në vitin 2025. Kjo deklaratë është një detyrim për individët që plotësojnë kushtet e përcaktuara ligjërisht, me qëllim sigurimin e raportimit të saktë të të ardhurave nga burime të ndryshme.
Ndryshimet kryesore për vitin 2025:
- Afati i ri për dorëzim:
Afati për dorëzimin e deklaratës ka ndryshuar nga data e mëparshme 30 prill, në 31 mars 2025. - Pragu vjetor i të ardhurave:
Pragu i të ardhurave për deklarim është ulur nga 2,000,000 lekë në 1,200,000 lekë bruto në vit. - Kriteret e reja për dorëzimin e DIVA:
Të gjithë individët që plotësojnë një nga kushtet e mëposhtme duhet të dorëzojnë deklaratën:- Të ardhura bruto mbi 1,200,000 lekë në vit nga të gjitha burimet.
- Marrëdhënie punësimi me më shumë se një punëdhënës, pavarësisht shumës së të ardhurave nga secili punëdhënës.
- Të ardhura mbi 50,000 lekë nga kategori të tjera që nuk i nënshtrohen mbajtjes së tatimit përfundimtar në burim, përfshirë burime alternative.
Lexo edhe: iute merr licencë në BE
Pasojat e mosdorëzimit të DIVA:
Dorëzimi i saktë dhe brenda afatit ligjor është i detyrueshëm. Mosrespektimi i këtij detyrimi, përfshirë deklarimin e pasaktë, përbën shkelje dhe sjell:
- Sanksione administrative dhe penale, sipas legjislacionit në fuqi.
- Gjoba dhe ndëshkime të tjera që mund të ndikojnë negativisht tek individët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
