Në një qytet që zhvillohet çdo ditë e më shumë si Tiranë, teknologjia dhe industria kreative nuk janë më thjesht trende, por realitete me potencial për transformim social dhe ekonomik. Por sa të qasshëm janë këto fusha për të rinjtë? Dhe çfarë roli luajnë komunitetet kreative në këtë rrugëtim?
C4Communities, në kuadër të programit EU4Innovation, po zhvillon një studim gjithëpërfshirës mbi qasjen dhe interesin e të rinjve në teknologji dhe kinematografi, me fokus të veçantë në impaktin që kanë komunitetet në formësimin e këtyre prirjeve.
Lexo gjithashtu: Tirana mirëpret “JunctionX Tirana”
Qëllimi i këtij hulumtimi është të kuptojë më mirë:
-Sa janë të rinjtë të angazhuar në këto fusha?
-Cilët faktorë ndikojnë në vendimmarrjen e tyre?
-Si mund të përmirësohet qasja përmes mbështetjes komunitare?
Të dhënat që do të mblidhen janë anonime dhe do të përdoren për të kuptuar më mirë nevojat dhe sfidat e brezit të ri në rrugën drejt inovacionit dhe krijimtarisë. Rezultatet do të ndahen më pas nën një licencë të hapur (Creative Commons Non-Commercial).
Pjesëmarrja jote është thelbësore, ndaj do ju ftonim të plotësoni pyetësorin këtu.
Studimi mbështetet nga komunitetet më aktive në vend:
-Coolab Coworking Space
-Albanian Gaming Community
-Data and AI Tirana
-Kineastja
-Albania Tech
-DuaCrypto
-Trailblazer Community Albania
-NEXUS Albania
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English