Nga data 2-4 Maj, në zemër të Tiranës tek Piramida, zhvillohet edicioni i tretë i JunctionX Tirana, një event që mbledh sëbashku rreth 400 të rinj nga Shqipëria dhe rajoni, me pasion për teknologjinë, inovacionin dhe zgjidhjet digjitale.
Junction është një nga hackathonët më të njohur ndërkombëtarë që bashkon pjesëmarrës nga vende të ndryshme, duke u ofruar mundësinë të punojnë në projekte inovative dhe të zhvillojnë aftësi të reja. Vetëm për 8 vite, Junction ka ndërtuar një komunitet me mbi 20,000 talente teknologjike nga e gjithë bota. Gjatë këtij rrugëtimi, kompanitë partnere janë prezantuar me talente të reja dhe kanë pasur mundësinë të ndërtojnë komunitetet e tyre. Edicioni i parë i Junction në Shqipëri u organizua në vitin 2023, duke shënuar praninë e parë të këtij eventi në Ballkan, me Tiranën si qytet mikpritës. Ky edicion u zhvillua në Piramidën e Tiranës, sapo e hapur për publikun, duke e bërë Junction ngjarjen e parë teknologjike që çeli këtë hapësirë ikonike.
JunctionX Tirana 2024 Edicioni i vitit 2024 i Junction Hackathon solli rritje të ndjeshme dhe një sukses të jashtëzakonshëm. Këtë vit, eventi u zhvendos në Pallatin e Kongreseve për të përballuar numrin e madh të aplikimeve dhe për të akomoduar një numër më të madh pjesëmarrësish. Gjithashtu, u zgjerua edhe më tej, duke përfshirë pjesëmarrës nga 7 shtete të ndryshme: Shqipëria, Kosova, Maqedonia e Veriut, Italia, Polonia, Brazili dhe Anglia.
Disa nga statistikat e këtij viti:
-
1000+ aplikime
-
450+ pjesëmarrës
-
85+ projekte të zhvilluara
Si pjesë e rrjetit global Junction, ky hackathon i jep pjesëmarrësve mundësinë të zhvillojnë ide kreative në grup dhe të konkurrojnë për çmime monetare:
Çmimi i parë – 3,000€
Çmimi i dytë – 2,000€
Çmimi i tretë – 1,000€
5 Çmime nga Partneret nga 1000 euro secili
Fituesit gjithashtu do të kenë mundësinë të përjetojnë “Golden Ticket Experience” në Helsinki, Finlandë, me akses të plotë në eventin global Junction 2025.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
