Opsioni i ri i Photoshop dallon imazhet origjinale nga ato të rreme

Adobe po shton në Photoshop një opsion të ri të quajtur ” Autenticiteti i Përmbajtjes Adobe” për të ndihmuar përdoruesit të njohin vërtetësinë e imazheve, duke i atribuar meritat autorëve origjinalë.

Si pjesë e Iniciativës Për Autenticitetin e Përmbajtjeve (CAI) të Adobe, prototipi do të ndihmojë krijuesit të vendosin emrin e tyre, vendndodhjen dhe historikun e fotove. Kështu përdoruesit mund të identifikojnë saktësinë e imazheve nëse janë autentike apo deepfake e madje të mësojnë edhe sesi janë krijuar.

Shikoni një demonstrim të shkurtër të videos se si do të funksionojë Autenticiteti i Përmbajtjes së Adobe:

E shqetësuar për imazhet false dhe të ndryshuara, Adobe ka bashkëpunuar me partnerët e saj (Microsoft, BBC, Qualcomm dhe të tjerët) për të krijuar mjetin e  identifikimit të vërtetësisë. Me opsionin e ri, Photoshop mund të etiketojë automatikisht fotografin origjinal, montazhierin që prodhoi montazhin dhe historinë e editimit të imazheve.

Kjo është një iniciativë e shkëlqyer për editorët e fotove dhe montazheve që duan të bëjnë të qartë se përmbajtja e tyre nuk është “e papërpunuar”, duke shmangur shikuesit konfuzë dhe përdoruesit e tjerë të Photoshop, që kanë punuar në imazhet e tyre.

Imazhet e eksportuara në rrjetin e faqeve Behance gjithashtu tregojnë informacionin, përfshirë aplikacionin e përdorur. Është gjithashtu e mundur të kontrolloni një raport të plotë të një imazhi në faqen e internetit të verifikimit Adobe dhe madje t’i referoheni fotografisë origjinale në krahasim me imazhin përfundimtar.

Aktualisht, opsioni funksionon vetëm për imazhe, por Adobe dhe partnerët e tij planifikojnë ta zgjerojnë atë, përfshirë videot për të identifikuar deepfake. Autenticiteti i përmbajtjes së Adobe mund të testohet nga përdoruesit e zgjedhur në Photoshop dhe Behance përmes një versioni beta në javët e ardhshme.

Time 24 News