Franca ka vendosur disa masa të reja izolimi në të gjithë vendin për shkak të koronavirusit. “Jemi në një situatë shqetësuese dhe kjo justifikon faktin që të mos qëndrojmë pa reaguar dhe as të kapemi nga paniku. Është një virus i rrezikshëm dhe i rëndë për të gjithë”, ka thënë presidenti francez Emmanuel Macron, në fjalimin e mbajtur në televizion për të lajmëruar masat e reja shtrënguese.
LEXO: Franca do të lejojë tifozët të ndjekin ndeshjet në stadiume
Macron ka lajmëruar se Parisi dhe 8 qytete të tjera do të jenë në shtetrrethim nga ora 21:00 deri në orën 06:00 duke filluar nga e shtuna dhe do të zgjasë për të paktën katër javë. “Nuk e kemi humbur kontrollin, por situata në Francë është shumë shqetësuese”, ka thënë Macron. Në 24 orët e fundit janë regjistruar 22.591 raste të reja me Covid-19. Vdekjet kanë qenë 104 dhe totali e ka kaluar kuotën 33 mijë.
Në të gjithë Europën, qeveritë po vendosin kufizime të reja për të luftuar një valë të dytë të infeksioneve. Një bllokim i pjesshëm hyri në fuqi në Holandë në 22:00 dhe kafenetë dhe restorantet po mbyllen. Më herët të mërkurën, rajoni veri-lindor i Spanjës i Katalonjës tha se baret dhe restorantet do të mbyllen për 15 ditë nga e enjtja. Në të gjithë Europën, bilanci i të infektuarve po rritet, ku në Rusi u raportua një rekord me 14,321 raste ditore të mërkurën dhe 239 viktima.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
