Pjesa më e madhe e shqiptarëve janë kundër marrjes së një vaksine që do të mund t’i mbronte ata nga virusi i COVID-19.
Në një sondazh të Insitutit të Kërkimeve, IDRA, dilemës së marrjes së vaksinës ose jo kur ajo të jetë gati, të anketuarit i janë përgjigjur me skepticizëm.
Në këtë anketim 54% e njerëzve deklarojë se “më së shumti jo” ose “absolutisht jo”, nuk do e bëjë vaksinën edhe kur ajo të jetë gati. Ndërkohë 19% e tyre janë të vendosur të vaksinohen dhe 18% deklarojë “më së shumti po”, se do e bëjmë vaksinën kur ajo të jetë gati.
Lexoni: Bill Gates kundërshton Trump për terapinë kundër COVID-19
Skeptikët e vaksinës më pas janë pyetur se cilat sipas tyre janë arsyet kryesore të refuzimit të vaksinimit kur ajo të jetë gati. Më shumë se gjysma (53%) i druhen efekteve anësorë të vaksinës, 20% e tyre janë kundra vaksinave në parim, 11% e tyre dyshojë te efektshmëria e saj.
Analisti i të dhënave nga IDRA, Dhimitër Peci tha për Euronews Albania se tek 54 për qind e personave që ishin shprehur kundër vaksinës, vetëm 34 për qind ishin ‘jo’ kategorikisht, ndërsa 20 për qind prej tyre u shfaqën të lëkundur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
