Në një njoftim zyrtar, Agjencia Kombëtare e Shoqërisë së Informacionit (AKSHI) bëri me dije se së shpejti do të nisë një investim i rëndësishëm në sektorin e transportit.
“Ky investim do të lehtësojë transportin e qytetarëve të cilët do kenë mundësi që të presin biletat online përmes telefonit, të zgjedhin shërbimin më të mirë, të udhëtojnë me më pak kosto. Projekti do të formalizojë tregun e transportit, çka do të rrisë cilësinë e shërbimit për qytetarët dhe do të rrisë të ardhurat në buxhetin e shtetit,” shkruhet në njoftim.
Lexoni: Hiqen gjobat për mospagim të kësteve paraprake të Tatimit mbi Fitimin
Sistemi elektronik i biletave pritet të sjellë:
• Formalizim të tregut të transportit ndërqytetës;
• Rritje të ardhurash për arkën e shtetit nëpërmjet mbledhjes reale të taksave;
• Lehtësim për udhëtarët në blerjen e biletave të veçanta ose të ndërthurura;
• Mundësi planifikimi fluksi nga ana e shoqërive të transportit ndërqytetës;
• Kontroll më efikas i shoqërive te transportit ndërqytetës nga ana e institucioneve shtetërore;
• Statistika për numrin e udhëtarëve për secilën linjë me qëllim koordinimin e investimeve të shoqërive të transportit dhe të vetë administratës shtetërore.
I gjithë procesi do të kryhet online dhe AKSHI shton se do të ketë:
• Ulje kostosh;
• Shërbim më të shpejtë;
• Aplikim online nga kudo dhe kurdo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English