Një çift nga Kentucky u njoh me masën e sigurisë “arrest shtëpie” dhe kanë byzylykë në këmbë me sinjal të cilët njoftojnë policinë nëse dalin nga banesa. Elizabeth dhe Isaiah Linscott thanë se përfaqësuesit e autoriteteve shëndetësore dhe departamenti i policisë u shfaqën në shtëpinë e tyre në Radcliff pasi ajo refuzoi të nënshkruajë një urdhër karantinë pas një testi vullnetar Covid-19 në të cilin rezultoi pozitive bashkë me burrin e saj.
Ajo do kryente një udhëtim në shtëpinë e prindërve të saj dhe për siguri bëri një test për koronavirusin së bashku me bashkëshortin ndërsa të dy rezultuan pozitivë por pa simptoma. Ajo ka deklaruar në një intervistë se nëse do ketë nevojë për të shkuar tek urgjenca do shkojë dhe s’do marrë aprovimin e askujt. Gruaja refuzoi të firmoste një dokument sipas të cilit duhet të merrte leje paraprakisht nëse do shkonte në urgjencë.
Kjo bëri që autoritetet të ndërmerrnin masa ekstreme dhe të vendosnin izolim të detyrueshëm ndaj tyre përmes arrestit shtëpiak. Ajo tregon se u trajtuan nga autoritetet sikur të kishin grabitur ndonjë bankë. Në shtëpi erdhën 8 persona, policë e punonjës të shëndetësisë të cilët u treguan shumë të rreptë në masat e vendosura ndaj tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto