Dalina Buzi është e ftuara e radhës në Start Up Grind. Ajo është themeluese dhe drejtore ekzekutive e Anabel Media, një prej mediave online më me influencë në Shqipëri, që përfshin shërbime si portali Anabel.al, social media, PR dhe produksioni në Youtube “Hostel by Anabel.”
Lexo: Produksionet shqiptare që duhet të ndjekësh në YouTube
Paralelisht me këtë biznes, Buzi është gjithashtu themeluesja e ViaAnabel.al, butikut të parë dhe më të madhit online “luxury consignment” në Shqipëri dhe Kosovë. E diplomuar në Shtetet e Bashkuara (Bachelor në Shkenca Politike) dhe me diplomë pasuniversitare nga University of Westminster në Londër, Buzi është shquar për një frymë të re dhe inovative në të gjithë projektet e saj, qofshin këto gjatë kohës kur ka punuar dhe bashkëpunuar si gazetare apo skenariste në Top Channel dhe TV Klan, apo edhe si sipërmarrëse prej 10 vjetësh me brandin e saj Anabel.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
