Bie ndjeshëm numri i rasteve me COVID-19, vetëm 7 të infektuar

7 pacientë me koronavirus janë identifikuar 24 orët e fundit, duke e çuar totalin e të prekurve në 789. Nga këta 7 pacientë, pesë janë në Tiranë, një në Krujë dhe një në Kukës.

Në komunikimin e përditshëm me publikun, Eugena Tomini, nga ISHP bëri me dije se në 24 orët e fundit janë testuar 171 persona të dyshuar, ndërsa në total që prej fillimit të marsit janë testuar 8669 persona, prej të cilëve janë:

– 782 të infektuar,

– 31 viktima;

–  519 të shëruar,

–  239 të infektuar aktivë;

– 26 të shtruar tek spitali Infektiv, 6 prej të cilëve janë në terapi intensive; një i intubuar,

– 5 të shtruar tek Sanatoriumi, 1 prej të cilëve në terapi intensive në gjendje të rënduar, 4 ndodhen në pavion.

Në dy spitalet COVID aktualisht po marrin shërbim 31 pacientë.

Shpërndarja gjeografike e rasteve aktive deri më 2 maj, është si vijon:

Tiranë              90 pacientë;

Shkodër           20 pacientë;

Krujë                89 pacientë;

Fier                   1 pacient;

Kurbin               24 pacientë;

Korçë                 1 pacient;

Elbasan             2 pacientë;

Kukës                 5 pacientë;

Lezhë                  1 pacient;

Lushnje              1 pacient;

Mirditë               2 pacientë;

Berat                   2 pacientë;

Mat                      1 pacient.

Lexoni: Zgjerohen zonat e gjelbra, do të hapen një grup biznesesh