Sipas njoftimit zyrtar të Ministrisë së Shëndetësisë, nga 60 persona të testuar, vetëm 4 kanë rezultuar pozitivë.
Ditën e sotme humbi jetën viktima e dytë në vend si pasojë e komplikacioneve nga koronavirusi: një 66-vjeçar nga Lushnja.
Në total, deri tani janë testuar 665 persona të dyshuar në vend. Personat e sëmurë gjenden në këto qytete:
— Në Tiranë: 42 persona;
— Në Durrës: 5 persona, përfshirë një të moshuar që ndërroi jetë;
— Në Fier: 6 persona;
— Në Lushnje: 2 persona; një prej të cilëve ndërroi jetë;
— Në Elbasan: 2 persona;
— Në Rrogozhinë: 2 persona.
Prej tyre, 30 janë të shtruar në Spitalin Infektiv të QSUT-së—tre prej të shtruarve janë në terapi intensive.
Deri tani, të gjithë personat e prekur kanë pasur kontakte me pacientët e mëparshëm.
9 prej personave të infektuar janë mjekë dhe infermierë të spitalit Shefqet Ndroqi dhe spitalit të Durrësit.
Gjithashtu,ditën e sotme, dolën edhe rezulatetet e analizave për 17 mjekë e infermierë të spitalit të Fierit, të cilët rezultuan të paprekur nga koronavirusi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
