COVID-19, 52 persona të shëruar, identifikohen 20 të prekur të tjerë

20 persona të prekur nga Covid-19 janë zbuluar në 24 orët e fundit, duke e çuar numrin total në 243 të infektuar.

Një 82-vjeçare nga Tirana dhe një 62-vjeçar nga Durrësi kanë ndërruar jetë, përkatësisht mbrëmjen e djeshme dhe mëngjesin e sotëm, në spitalin infektiv, të dy me sëmundje shoqëruese.

Në informimin e përditshëm nga Ministria e Shëndetësisë, zv/ministrja Mira Rakacolli njoftoi se harta e të prekurve nga COVID-19 në 24 orë, është zgjeruar në Tiranë, Durrës, Shkodër, Korçë, Mirditë.  Në Durrës janë zbuluar 12 të infektuar të tjerë.

Në 24 orët e fundit janë testuar 145 persona të dyshuar, ndërsa në total janë testuar 1671 persona, ku:

– 243 persona janë të prekur nga koronavirusi,

– 52 janë shëruar,

– 13 kanë vdekur,

– 77 persona janë të shtruar në spital,

– 8 prej tyre janë në terapi intensive, 3 prej të cilëve në frymëmarrje të drejtuar.

Pjesa tjetër e pacientëve është e vetëkarantinuar në shtëpi.

Përhapja e koronavirusit deri më 31 mars është sipas këtyre zonave:

— Në Tiranë: 129 persona;

— Në Durrës: 26 persona;

— Në Fier:  23 persona;

— Në Lushnjë: 4 persona;

— Në Elbasan:  5 persona;

— Në Rrogozhinë:  2 persona;

— Në Kavajë: 4 persona;

— Në Korçë: 15 persona;

— Në Vlorë: 5 persona;

— Në Shkodër: 8 persona;

— Në Lezhë: 5 persona;

— Në Has: 2 persona;

— Në Berat: 1 person;

— Në Krujë: 5 persona;

— Në Tropojë: 5 persona;

— Në Pukë: 3 persona;

— Në Mirditë: 2 persona.