Bankat mund të kenë akses në informacionet që entet publike kanë për kompanitë apo sipërmarrjet, që aplikojnë për kredi. Banka e Shqipërisë dhe Shoqata e Bankave sapo kanë lançuar platformën për nxitjen e kreditimit. Në këtë platformë, parashikohet që bankat të mund të sigurojnë më shumë informacion për kompanitë apo individët e interesuar për hua.
Sipas bankave tregtare, një informacion i përditësuar ka rëndësi të theksuar për analizën e rrezikut të kredisë.
Procesi pritet të lehtësohet, kur të ketë një akses më të mirë elektronik në bazat ekzistuese të të dhënave. Platformat elektronike, është e nevojshme njëkohësisht të mund të komunikojnë mes tyre dhe të jenë të ndërlidhura me sistemet e vlerësimit të rrezikut të kredisë, që përdor ose që do të ndërtojë sektori bankar.
Bankat tregtare, para vendimit të tyre për financim, i drejtohen për informacion Regjistrit të Kredisë, i cili administrohet nga Banka e Shqipërisë.
Në planin për rritjen e informimit, me qëllim rritjen e financimit të kompanive, pritet të ndikojë edhe Byroja e Kredisë. Ajo do të mbajë informacione rreth detyrimeve që mund të kenë sipërmarrësit e interesuar për financim.
Lexo: Banka e Shqipërisë dhe Shoqata e Bankave, në nxitje të kreditimit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
