Këtu do të gjeni se kë dhe çfarë të dëgjoni:
Bisedoni me punonjësit pa axhendë
Anëtarët e ekipit tuaj të menaxhimit të kompanisë mund të japin ide të mira për përmirësimin e kompanisë. Ndaj pse të mos zhvilloni një bisedë të lirë me ta? Mund t’i pyesni ata se si do të vepronin nëse do të ishin në krye të kompanisë, cilat janë qëllimet e tyre për kompaninë këtë tre mujor, këtë vit, cilat janë frymëzimet dhe sfidat që duan të arrijnë. Nëse nuk e keni bërë ndonjëherë atëherë dijeni se punonjësit e presin këtë dhe ju duhet t’a ngrohni bisedën me ta para se kompania juaj të zhytet. Kështu ndoshta mund të kuptoni se ata mund t’i shpalosin aftësite e tyre në një department tjetër.
Investoni në marrëdhënien tuaj me shitësit/furnizuesit tuaj
Duhet të investoni partneritet të fortë edhe me shitësit tuaj. Pyetini ata se çfarë konsidedrojnë praktika të mira dhe si e shohin industrinë tuaj. Në fillim mund të jenë pak skeptikë, por më pas do të shikoni se do të keni një kuptim më të mirë për kompaninë, një marëdhënie të mirë me shitësin dhe mund të identifikoni së bashku mundësi të shpejta fitimi. Madje, ka pasur raste kur nga biseda me ta është kuptuar se kompania dhe shitësi po punonin ndarë, për projekte të ngjashme inovacioni ndërkohë që mund të punonin në një. Kjo nuk do të arrihej nëse nuk do të zhvillohej një bisedë e lirë me ta, pra pa axhendë zyrtare.
Duhet të keni biseda të sinqerta me klientët tuaj
Nëse jeni biznes- me-biznes atëherë është me e lehtë të krijoni bisedë më të sinqertë me klientët tuaj. Nëse jeni biznes-me-konsumator, ju duhet të gjeni më shumë mjete si sondazhe të klientëve. Pyetini ata se çfarë pëlqejnë ose jo në kompaninë tuaj, si mund të përmirësohet dhe si ndërveprojnë ata me ekipin tuaj. Kjo do t’ju ndihmojë juve, jo vetëm të identifikoni se çfarë duhet të ndryshoni ose jo, por do të kuptoni se çfarë po ecën siç duhet dhe kështu mund të vazhdoni të bëni të njëjtën gjë.
Nga mjetet e ROI (që janë mjete, të cilat na ndihmojnë për përmirësimin e markës sonë, analizës, përvojës dixhitale) mjeti më i rëndësishëm për një sipërmarrës dhe një udhëheqës është dëgjimi aktiv. Mbi të gjitha nuk na kushton asgjë.
Besmira Koro
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
