Instituti për Trajnim dhe Zhvillim në Kosovë (A.U.K) ka hapur aplikimet për kurset verore:
- CCNA R & S 1: Hyrje në networking
Ky kurs prezanton arkitekturën, funksionet, komponentët dhe modelet e Internetit si dhe rrjeteve të tjera kompjuterike. Deri në fund të kursit, studentët do të jenë në gjendje të ndërtojnë LAN-e të thjeshta, të bëjnë konfigurime bazë për routerat dhe çelsat dhe të zbatojnë skemat e adresimit të IP.
- Esencialet në TI
Ky kurs përqendrohet në bazat e pajisjeve kompjuterike dhe të pajisjeve mobile, hardware dhe software, dhe koncepte të avancuara si siguria, rrjetëzimi dhe përgjegjësitë e një profesionisti TI. Është projektuar për studentët që duan të ndjekin karrierë në TI dhe që duan të fitojnë njohuri praktike se si punon një pajisje kompjuterike dhe mobile.
- Instalimi, ruajtja dhe llogaritja me Windows Server 2016
Ky kurs është projektuar kryesisht për profesionistët e TI të cilët kanë përvojë me Windows Server. Është projektuar për profesionistët, të cilët bëjnë ruajtje dhe llogaritje duke përdorur Windows Server 2016, që kanë nevojë t’i kuptojnë skenarët, ruajtjen dhe llogaritjen e opsioneve që janë në dispozicion dhe të zbatueshme për Windows Server 2016.
- Programim (HTML5, CSS3, JavaScript)
Kursi i programimit është dizajnuar për të pajisur studentët me njohuri dhe aftësi themelore me programimin në ueb duke përdorur HTML5, CSS3 dhe JavaScript. Kursi është i përshtatshëm për kandidatët që kanë pak ose aspak njohuri në këtë teknologji. Përmbajtja e kursit është hartuar për të adresuar nevojat e aplikimit të programeve të internetit qoftë për qëllime akademike ose për ato profesionale.
Numri i vendeve është i limituar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
