Atmosfera e falenderimeve kryesoi eventin në Hilton Garden Inn përmes fjalës së presidentit të Dhomës së Tregtisë Mark Crawford, i cili u kujtoi të ftuarve se në një ditë si kjo amerikanët falenderojnë për ushqimin e përditshëm dhe shëndetin familjar.
Z.Carson Relitz Rocker, drejtuesi politik dhe ekonomik në Ambasadën Amerikane në Tiranë uroi me të ftuarit përmes “Grace”, një ritual falenderues që flet për mundësitë që u janë dhënë njerëzve: ushqimi në tavolinë, shëndeti, puna, e mbi të gjitha familja. Pjesësmarrësit në event u njohën me historinë e kësaj feste deri në ditën e shpalljes së saj si një ditë kombëtare pushimi nga Presidenti Lincoln.
Në ambientet e Hotel Hilton Garden Inn, eventi u shoqërua me të gjithë elementët e kësaj feste trandicionale ashtu si edhe festimet në Amerikë.
Gjeli i detit, në qendër të tavolinës ishte përgatitur mjeshtërisht nga shefat e Hilton Garden Inn Hotel. Dekori, muzika, ngjyrat e gjithçka tjetër përfshiu të gjithë në klimën e saj festive.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
