Konferenca Botërore për Mirëqenien e fëmijëve në Gjenevë, Zvicër, e shpalli 1 qershorin “Ditën Ndërkombëtare të Fëmijëve”, që në vitin 1925. Pas Konferencës, qeveri të ndryshme në botë vendosën ta deklarojnë 1 qershorin si Dita e Fëmijëve për të tërhequr vëmendjen për çështjet e fëmijëve. Në këtë ditë përcillen mesazhe dhe mbahen fjalime mbi të drejtat dhe mirëqenien e fëmijëve dhe ngjarje të tjera që i dedikohen atyre.
Fatëkeqsisht, raporti i ri nga ‘Save the Children’ tregon se gjysma e fëmijëve në botë nuk po e shijojnë fëmijërinë për shkak të varfërisë dhe dhunës. Rreth 1.2 miliardë fëmijë jetojnë të uritur dhe pothuajse 153 milionë fëmijë jetojnë në zonat e prekura nga lufta. Sipas këtij raporti, Singapori është vendi më i mirë në botë nga 175 shtete për fëmijët. I pasuar nga Sllovenia, Singapori vlerësohet me 987 nga 1000 pikë, dhe kjo tregon se fëmijët atje bëjnë një jetë të lumtur.
Shtatë faktorë që e bëjnë Singaporin vendin me fëmijët më të lumtur në botë janë: shkalla e vdekshmërisë nën moshën pesë vjeç, braktisja e fëmijëve, fëmijët pa shkollë, martesa e të miturve, niveli i lindjes nga adoleshentët, popullsia e zhvendosur nga konfliktet dhe shkalla e vrasjeve të fëmijëve. Vendet skandinave Novergjia, Suedia dhe Finlanda renditen tek pesë të parat.
/SavetheChildren
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
