Kryministri Rama është tërhequr përkohësisht nga aplikimi i tarifës në rrugën e Kombit. “Nuk do të fillojmë sistemin e pagesës pa u gjetur zgjidhja më e mirë për qytetarët në Rrugën e Kombit”, është shprehur Rama gjatë fjalës së tij në seancën plenare.
Vendimi erdhi pas protestave të nisura në rrugën Durrës-Kukës, e që vijuan më tej me praninë e dhjetëra protestuesve pranë Gjykatës së Tiranës (ku zhvillohej seanca gjyqësore për të arrestuarit në protestë). Kryeministri tha se nuk janë bërë konsultat e nevojshme me qytetarët ndaj vendosja e tarifës do të sqarohet fillimisht.
“Ajo që duhet përsëritur nga ana ime dhe e qeverisë është vetëdija për përgjegjësinë time dhe tonë për pamjaftueshmërinë e shpjegimeve dhe të sqarimeve lidhur me këtë çështje. Nuk kemi pasur intuitën e duhur për të kuptuar domosdoshmërinë e sqarimit të gjithë kësaj çështje, përpara se të vendosej sistemi i pagesës”, theksoi ai.
Rama theksoi gjithashtu se pagesa për mirëmbajtjen e rrugës, ka rëndësi, për të shmangur hendekun që mund të krijohet në të ardhmen. Ai kujtoi se shtetit i duhet të paguajë shifra të larta për rrugët, pasi vetëm pagesa e detyrimit principal (pa interesat e huasë) për rrugët në një vit arrin deri në 110 milionë dollarë, ku 37% të kësaj pagese e zë Rruga e Kombit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
